नेपालको प्रहरी चौकीमा भारतीय क्षेत्रबाट आक्रमण, ४ प्रहरी घाइते
शनिबार, ९ असोज
काठमाडौं । नेपालमाथि अघोषित नाकाबन्दी गरेको भारतले मधेसका आन्दोलनकारीहरुलाई संरक्षण दिएको पुष्टि भएको छ ।
भारतीय प्रहरीको सहयोगमा बाँकेको जमुना नाकामा आन्दोलनरत मधेसी मोर्चाका कार्यकर्ताले नेपाल प्रहरीमाथि आक्रमण गरेका छन् ।
आनदोलनकारीले बाँकेको नेपालगञ्ज जमुना नाका अवरुद्ध गर्दै नेपाल प्रहरीमाथि आक्रमण गरेका हुन् ।
दशगजा क्षेत्र भन्दा पर भारतीय भुमिमा बसेर उनीहरुले नाका ठप्प पारेका छन् । भारतीय भुमिबाट नेपाली प्रहरीमाथि भएको आक्रमणमा चार जना प्रहरी घाइते भएका छन् ।
आन्दोलनकारीको आक्रमणबाट प्रहरी हवल्दारहरु दिलबहादुर घर्तीमगर, सुरेस बस्याल, प्रहरी जवानहरु कमल खनाल र कमल विक घाइते भएका छन् ।
उनीहरुको भेरी अञ्चल अस्पतालमा उपचार भैरहेको छ ।
www.nepalsandesh.com
