नेपालीको साथ नपाएपछि मोदीको पार्टीले भारतमा खायो धक्का
काठमाडौं । भारतको सिलिगुडी नगरपालिका र स्थानीय ग्राम पञ्चायत चुनावमा भारतीय प्रधानमन्त्री नरेन्द्र मोदीको भारतीय जनता पार्टी पराजीत भएको छ ।
कुल २२ ग्राम पञ्चायतमध्ये १० वटामा वाममोर्चाले जीत हात पारेको छ भने ८ वटामा मिलिजिुली परिणाम आएको छ । ममता बेनर्जीको त्रिणमूल कांग्रेसले ४ वटा ग्राम पञ्चायतमा मात्रै जित निकालेको छ ।
सिलगुडी नगरपालिका र महकुमा परिषदको चुनावमा समेत वामपन्थीले बहुमत हासिल गरेका छन् भने तृणमुलको प्रभाव रहेको खोरीबारीमा समेत वाममोर्चाले जितेको छ ।
स्थानीय चुनावको यो परिणामसँगै पश्चिम बंगालको आगामी विधानसभा निर्वाचनमा यसको प्रभाव गर्ने आँकलन गरिएको छ ।
स्थानीय ग्राम पञ्चायत एवं पञ्चायत समितिहरुमा चुनावमा कांग्रेसले ६१ सीट जितेको छ भने बीजेपीले २२ सीटमात्रै हात पारेको छ । तृणमूल कांग्रेसले १५३ सीट हात पारेको छ ।
विगतमा नेपालीभाषीहरुको साथ पाउँदै आएको भारतीय जनता पार्टीले यसपटक नेपालमा लगाएको नाकाबन्दीसँगै साथ गुमाएको चर्चा गरिएको छ ।
नेपालीभाषीहरुले यो चुनावमा वाममोर्चालाई सघाएपछि जित हात पार्न सफल भएको हो । ती स्थानमा नेपालीभाषी भारतीयहरुको ठूलो जनसंख्या रहेको छ ।
www.nepalsandesh.com
