नेपालमा नाकाबन्दी लगाइरहेका भारतीय प्रधानमन्त्री मोदीको अर्काे कर्तुत सार्वजनिक
नेपालमा नाकाबन्दी लगाइरहेका भारतीय प्रधानमन्त्री मोदीको अर्काे कर्तुत सार्वजनिक
काठमाडौं, २२ कात्तिक । नेपालमा नाकाबन्दी लगाएर आलोचित भइरहेका भारतीय प्रधानमन्त्री नरेन्द्र मोदीको अर्काे कर्तुत खुलेको छ ।
उनले आफ्ना अधिकारीमार्फत श्रीमती बेनलाई पासपोर्ट दिन अस्वीकार गरेको बीबीसी हिन्दीले जनाएको छ । समाचार अनुसार पूर्व शिक्षिका समेत रहेकी बेनले गत महिना पासपोर्टका लागि अहमदावाद प्रशासन कार्यालयमा निवेदन दिएकी थिइन, तर मोदीका कर्मचारीले उनलाई विवाहको प्रमाणपत्र माग्दै पासपोर्ट नदिएका हुन् ।
अहमदावाद क्षेत्रीय पार्सपोर्ट अधिकारी जेडए खान बेनको निवेदनमा आवश्यक कागजात नपुगेकाले उनलाई पासपोर्ट नदिएको जानकारी दिए । विदेशमा बस्ने आफन्तहरुलाई भेट्न जानका लागि पासपोर्टको निवेदन दिएकी बेनलाई विवाह दर्ता प्रमाणपत्रको कारण देखाएर मोदी सरकारका कर्मचारीले दिन नसकिने जवाफ दिएको बेनका भाइ अशोकले बताए ।
प्रधानमन्त्री मोदीले सन् २०१४ मा सार्वजनिक रुपमै बेनलाई आफ्नी पत्नी भएको स्वीकार गरेका थिए । राजनीतिमा लागेपछि मोदीले बेनसँग सम्बन्ध विच्छेद गरेका थिए ।
नेपालस्थित उनका आलोचकले आफ्नै श्रीमतीलाई समेत पासपोर्ट नदिएपछि स्वार्थी भन्न थालेका छन् । उनीहरुले मोदीले नाकाबन्दी नखोल्ने चिन्ता पनि व्यक्त गरेका छन् ।
dainiknepal.com
