१९ वर्षीया युवतीको बलात्कारपछि निर्मम हत्या...
पोखरा, १९ माघ । पोखरामा एक १९ वर्षीया युवतीलाई बलात्कारपछि निर्मम हत्या गरिएको छ । पोखरा– १५ नयाँगाँउमा मंगलवार बिहान हत्या गरी फालिएको अवस्थामा १९ बर्षिया युवतीको शव फेला परेको हो । सोही ठाँउ निवासी नेहा पुनको शव घर नजिकै फेला परेको हो ।
शवको प्रकृति हेर्दा बलात्कारपछि हत्या गरिएको आशंका गरिएको छ । उनको शव अर्धनग्न अवस्थमा भेटिएको प्रहरीले जनाएको छ । टाउकोमा कुनै वस्तुले प्रहार गरी हत्या गरेको प्रहरीको प्रारम्भिक अनुसन्धानले देखाएको छ ।
शव पोष्टमार्टमका लागि पश्चिमाञ्चल क्षेत्रीय अस्पतालमा राखिएको छ । घटनाबारे अनुसन्धान सुरु भएको प्रहरी निरीक्षक वेद प्रकाश जोशीले जानकारी दिए । मृतक युवती पोखराको न्यूरोड स्थित स्माइल क्याफेमा कार्यरत रहेको बताइएको छ ।
हरेक दिन बिहान ७ बजे काममा जाने र र राती ८÷९ बजे फर्कने उनी हिजो साँझ नफर्किएपछि आफन्तले खोजी सुरु गरेका थिए । घर नजिकै खाली स्थानमा कालो कपडाले छोपेर फालिएको अवस्थामा शव देखेपछि स्थानीयले प्रहरीलाई खबर गरेका थिए । अयन्त्र हत्या गरी सो स्थानमा ल्याएर शव फालिएको आशंका प्रहरीले गरेको छ ।
अन्य ताजा समाचार र विचार पढ्नका लागि हामीसँग फेसबुकलाइक र फलो गर्नुहोस्, तपाई ट्वीटरमा पनि समाचार प्राप्त गर्नु सक्नुहुनेछ ।
