पारस खड्का क्रिकेट खेलाडी सङ्घको महासचिवमा सर्वसम्मत -
काठमाडौँ, २२ जेठ । क्रिकेट खेलाडी सङ्घ नेपालको अध्यक्षमा पवनकुमार अग्रवाल चयन हुनुभएको ।
कीर्तिपुरस्थित सङ्घको कार्यालयमा आज सम्पन्न प्रथम वार्षिक साधारणसभामा राष्ट्रिय टोलीका पूर्व कप्तान अग्रवाललाई अध्यक्षमा सर्वसहमतिले चयन गरेको हो ।
अघिल्लो वर्ष स्थापना भएको संस्थाको पहिलो कार्यसमितिका सबै ११ पदाधिकारी दुईवर्षे कार्यकालका लागि सर्वसम्मत चयन भएका छन् । उपाध्यक्षमा अर्का पूर्व कप्तान विनोदकुमार दास र सीता रानामगर, महासचिवमा वर्तमान कप्तान पारस खड्का चयन भएका छन् ।
त्यस्तै सचिवमा अनिलकुमार मण्डल, कोषध्यक्षमा पृथु बाँस्कोटा तथा सदस्यमा राजु बस्नेत, शक्तिप्रसाद गौचन, ज्ञानेन्द्र मल्ल, निरा राजोपाध्याय र विनोद भण्डारी छन् ।
