मंगल ग्रहमा गौतम बुद्धको मुर्ति भेटिएको दाबी
काठमाडौं – एलियन हन्टरहरुको एक टीमले मंगल ग्रहमा भगवान गौतम बुद्धको मुर्ति रहेको दाबी गरेका छन् । नासाको मार्स रोवरले पठाएको तस्विरहरुको विश्लेषणपछि उनीहरुले उक्त दाबी गरेका हुन् । एलियन हन्टर्सको टिमका सदस्य स्कट सी वेरिङका अनुसार यो फोटो मंगल ग्रहमा जीवनको अस्तित्व रहेको कुराको प्रमाण भएको दाबी गरेका छन् ।
यद्यपि, नासाले भने यस कुराको पुष्टि गरेको छैन । वेरिङ भने नासाले एलियनको हरेक खबर लुकाउने दाबी गर्छन् । ‘उनीहरु यो कुरालाई लुकाएर राख्न चाहन्छन् तर मार्स रोवरले पठाएको धेरै फोटोहरुमा त्यहाँ जीवन रहेको संकेत गर्छ,’ उनले भने । यसअघि पनि मंगल ग्रहमा पिरामिड र ठूलो गंगटोजस्तो आकृति भेटिएको दाबी गरिएको थियो ।
