गौतमबुद्ध विमानस्थल नजिकै शक्तिशाली विस्फोट !
भैरहवाको गौतमबुद्ध विमानस्थलको नजिकै आज बिहान शक्तिशाली विस्फोटक पदार्थसहितको बम विस्फोट भएको छ ।
विस्फोट किन र कसले गरायो भन्ने यकिन नभए पनि जनतालाई आतङ्कित पार्ने उद्देश्यले यो घटना घटाइएको हुनसक्ने रुपन्देहीका प्रमुख प्रहरी उपरीक्षक बुद्धिराज गुरुङको अनुमान छ । विस्फोटक पदार्थ ठूलो आवाज आउने किसिमको भए पनि त्यसले कुनै पनि मानवीय तथा भौतिक क्षति नगराएको प्रहरीले जनाएको छ ।
विस्फोट भएलगत्तै नेपाली सेना र नेपाल प्रहरी घटनास्थल पुगेको थियो । अहिले भने त्यहाँको स्थिति केही सामान्य बनेको प्रहरीको भनाइ छ । यसअघि पनि भैरहवाकै घाग्रा खोला नजिकै शक्तिशाली विस्फोटक पदार्थ राखेर विस्फोट गराएको थियो ।
आफ्ना माग जसरी पनि पूरा गराउनुपर्छ भन्ने उद्देश्यले दुई महिनादेखि आन्दोलनमा उत्रिएको मधेसी मोर्चाले विगत केही दिनदेखि सीमा नाकाहरुमा अवरोध गर्दै आएको छ । जसले तराईको जनजीवन अत्यन्तै कष्टकर बनेको छ ।
