तेल सम्झौता रोक्न गएका भारतीय गृहमन्त्रीलाई चिनियाँ प्रधानमन्त्रीकोे झापड !
काठमाडौं । भारतीय गृहमन्त्री राजनाथ सिंहले चिनियाँ राष्ट्रपतिदेखि गृहमन्त्रीसम्मलाई भेटी इन्धन नदिन घुमाउरो आग्रह मात्र गरेनन्, भारत हार्ने खेलमा नलाग्न चीनलाई आग्रह पनि गरे ।
उनले चिनियाँ राष्ट्रपति सि जिनपीङदेखि समकक्षीसम्मलाई भेटेका छन् । नेपालसँगको ४० वर्षे तेल व्यापारको एकाधिकार तोडिने र नेपाललाई समस्यामा पारेर आफ्नो स्वार्थ पुरा गर्ने भारतको योजना लगभग असफल हुनै लाग्दा भारत अत्तालिद चीनसँग इन्धन नदिन कुटनीतिक तहमा छलफल गरिरहेको छ ।
चिनियाँ प्रधानमन्त्री लि खछ्याङ सँगको भेटमा सिंहले नेपालमा जारी भएको संविधानले आम नेपालीको भावना नसमेटेको र मधेसका केही समुदाय अधिकार बिहीन भएको बताएका थिए । उनले यती भनेपछि चीनले नेपालको आन्तरिक मामलामा कसैले पनि हस्तक्षेप गर्न नहुने भन्दै नाकाबन्दी गर्नु अमानविय भएको भन्दै उल्टै सिंहलाई झपारेका थिए ।
यती मात्र हैन नेपालकै आयल निगमका उच्च अधिकारीहरुलाई पनि भारतले नियन्त्रणमा लिएको आरोप लागीरहेका बेला राजनाथ सिंहको बेइजिङ दलौडधुपले इन्धन व्यापार सम्झौता लम्बिने सकेत देखापरेको स्रोतको दाबी छ ।
चीनसँग भारतले आफ्नो मुलुकमा भएको लगानी र व्यापार नविर्सन पनि धम्की दिएको छ । सबै छिमेकीहरुसँग सम्बन्ध बिगार्दै लगेको भारतले चीनसँगको सम्बन्ध पनि विगार्ने निहुँ खोजीरहेको छ ।
सिंहले नेपाललाई चीनले तेल दिँदा आफुहरुको व्यापारीक क्षेत्र खुम्चने र नेपालसँगको पुरानो सम्बन्ध स्थापीत गर्न समस्या पर्ने भएकाले केही समय चुप बस्न पनि आग्रह गरेका थिए ।
तर, चीनले नेपालमा मानविय संकट देखापरिसकेकाले आफुहरु चुप लागेर नबस्ने जवाफ फर्काएको चिनियाँ सञ्चारमाध्यमले दाबी गरेका छन् ।
