ग्यासको लाइन बस्न गएकामाथि भाला र लठ्ठी प्रहार(भिडियोसहित)
काठमाडौं, असोज २८ । केही दिनदेखि खाना पकाउने एलपी ग्यास लिन बालाजु औद्यौगीक केन्द्र पुगेका उपभोक्ताहरु ग्यास नपाएपछि आक्रोशित बनेका छन् ।
ग्यास कहिलेदेखि बाँडिन्छ भन्नेबारे नेपाल ग्यासको कार्यालयमा बुझ्न गएका सेवाग्राहीमाथि नै कुटपिट गरिएको छ ।
औद्योगीक केन्द्रभित्र रहेका केही गुण्डाले भाला र लठ्ठी प्रहार गरी चार जनालाई घाइते हुने गरि कुटपिट गरेपनि प्रहरी मूकदर्शक बनेको आरोप पीडित उपभोक्ताको छ ।
नेपालीको ठूलो चाड दशैंको समयमै ग्यास नभएर भोकभोकै बस्नु पर्ने हुँदा पनि सरोकारवालाले वास्ता नगरेको उनीहरुले बताए ।
