राजधानीको बालुवाटारमा प्रहरीमाथि आक्रमण
काठमाडौं, २६ असोज । राजधानीको सबैभन्दा सुरक्षित मानिएको बालुवाटारमा प्रहरीमाथि आक्रमण भएको छ ।
आक्रमण गर्ने ६ जनालाई प्रहरीले पक्राउ गरेको छ । काठमाडौं महानगरपालिका–४ बालुवाटारमा महानगरीय प्रहरी बृत्त कमलपोखरीको गस्ती प्रहरी टोलीलाई मादक पदार्थ सेवन गरी केही युवाहरुले गालीगलौज तथा ढुङ्गामुढा प्रहार गरेको केन्द्रीय प्रहरी समाचार कक्षले जनाएको छ ।
प्रहरीमाथि आक्रमण गर्ने काठमाडौं चक्रपथ बस्ने कास्कीका २८ वर्षीय साहिल श्रेष्ठसमेत ६ जनालाई ५ वटा मोटरसाइकलसहित प्रहरीले पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
dainiknepal.com
