नाकाबन्दी गरिरहेको भारतको अर्काे धम्कीः मधेस आन्दोलनमा नआए घरमै आक्रमण गर्छाै
सुनसरी, १८ असोज । नाकाबन्दी गरेर नेपालीलाई दुःख दिइरहेको भारतले सीमा क्षेत्रका नागरिकलाई धम्की दिन थालेको छ ।
आइतबार राति भारतका नेपाली गाउँमा पसेको एक टोलीले एमाले नेता महेश्वर यादवको खेत बाली नष्ट गरिदिएका छन् । उनीहरुले आन्दोलनमा सहभागी हुन समेत गाउँभरी उर्दी जारी गरेका छन् ।
भारतमा खाना खाँदै मधेसी मोर्चाका नेता कार्यकर्ता
भारतको विहार राज्यको अररिया जिल्लाका भारतीय नागरिकहरु नेपालको सुनसरीको दक्षिणी क्षेत्रका गाउँमा छिरेर नेपालीलाई धम्क्याएका हुन् । भारतीयको धम्कीपछि सर्वसाधारण त्रसित भएका छन् ।
भारतबाट नेपाली सीमा गाउँहरुमा पसेर मधेस आन्दोलनमा उपस्थित नहुनेहरुका घरमा आक्रमण गर्ने र बालीनाली मासिदिने धम्की भारतीयहरुले दिएको सुनसरीका एमाले नेता महेश्वर यादवले बताउनुभयो । उहाँले भन्नुभयो- ‘राति राति पारीबाट आएर हामीहरुलाई आन्दोलनमा नआए हातखुट्टा भाँचिदिने सम्मको धम्की दिएका छन् । धम्की दिएपछि गाउँभरी स्थानीय दाजुभाई त्रसित छन् ।’
यस विषयमा प्रहरीले भने कुनै जानकारी नआएको जनाएको छ । यसअघि भारतीयहरुले आन्दोलनमा सहभागी नभएको भन्दै एमाले नेता यादवको खेतमा लगाइएका दुई सय रुख काटिदिएका थिए ।
dainiknepal.com
