काठमाडौं–भारत बस सेवा आजबाट बन्द
शुक्रबार, २२ असोज
काठमाडौं । काठमाडौंबाट भारतको बनारससम्म चल्ले बस सेवा आजबाट बन्द भएको छ ।
नेपालको अवस्था सुधार नभएको भन्दै भारतीय पक्षले बनारसबाट काठमाडों आउने गाडी बन्द गरेको हो । भारतले तरार्य क्षेत्रमा असुरक्षा बढ्दै गएको भन्दै दुई साता अघिबाट अघोषित नाकाबन्दी गरेको छ । यसै क्रममा भारतले काठमाडौं बनारस बस सेवा समेत बन्द गरेको हो ।
२०७१ फागुन २१ बाट उक्त बस सेवा सरु गरिएको थियो ।
काठमाडौं–बनारसको मैत्री बस सेवाको नेपालका तर्फबाट भौतिक पूर्वाधार तथा यातायात मन्त्री विमलेन्द्र निधि र भारतीय राजमार्ग तथा यातायात मन्त्रालयका सचिव सञ्जय बान्दोपाध्यायले संयुक्त रुपमा रंगशालाबाट औपचारिकसेवा सुरु गरेका थिए ।
नेपाल–भारत यातायात सम्झौताअनुसार पहिलो चरणमा गत मंसिर ९ मा काठमाडौं–दिल्ली मैत्री बस सेवा सुरु भएको थियो। दक्षिण एसियाली क्षेत्रीय सहयोग संगठन (सार्क) को १८ औं शिखर सम्मेलनका बेला प्रधानमन्त्री सुशील कोइराला र भारतीय प्रधानमन्त्री नरेन्द्र मोदीले संयुक्त रुपमा बस सेवा सुरु गरेका थिए । काठमाडौं–बनारस सेवा दोस्रो चरणको कार्यक्रम हो ।
www.nepalsandesh.com
